Salmo 98

₁Pemonhendu ke Senhor pe mboraei pyau,

mba'emo iporã ete va'e ha'e ojapo ramo.

Ojyva oiporu kuaa regua imbaraete ha'e iky'a e'ỹ va'e py ipo'aka.

₂Senhor oikuaa uka jogueraa jepeague.

Yvy regua kuery oexaa rupi oexa uka ha'evea rami joguerekoa.

₃Ndaexarai guive Israel kuery omboaxy rupi ojeroviapy oiko aguã re.

Ha'e ramo yvy jave re ha'e javi regua ikuai va'e oexa okuapy Nhanderuete nhandereraa jepeague.

₄Yvy jave re ha'e javi regua pendekuai va'e, peroporaei ke Senhor pevy'aa rupi!

Peporaei, pevy'a ha'e perovy'a mboraei py!

₅Mba'epu ixã reta va'e reve peroporaei Senhor,

ixã reta va'e pu rupi guive peporaei.

₆Pemonhe'ẽ mimby guaxu ha'e vaka rakuakue guigua.

Pevy'a Senhor renonde, huvixave oĩ ramo.

₇Tonhendu ye'ẽ ha'e hexe ikuai va'e ha'e javi,

yvy ha'e hexe ikuai va'e guive!

₈Yakã ha'e javi tojepo pete!

Yvyty ikuai va'e voi toporaei ovy'aa rupi

₉Senhor renonde,

mba'eta ou yvy re ikuai va'e re oikuaa pota aguã.

Teko porã rupi oikuaa pota 'rã yvy ha'e

yvy regua kuery re, peteĩ rami joguerekoa rupi.