Salmo 87

₁Yvyty iky'a e'ỹ va'e áry Senhor Sião tetã omoĩ atã rire

₂oayvu hokẽ ikuai va'e voi.

Jacó kuery rekoa ikuai va'e ha'e javi gui oayvuve.

₃Ndevy Nhanderuete pegua tetã, ayvu iporã ete va'e 'ea:

₄“Xekuaa va'e kuery rekoa regua ma

Egito ha'e Babilônia.

Oĩ avi 'rã Filístia, Tiro ha'e Etiópia,

ha'e py ae itui'i rire.”

₅Mba'eta Sião tetã pe aipo'ea 'rã:

“Kova'e ha'e peva'e voi ha'e pygua ae.

Yvate ete va'e omoĩ atã 'rã.”

₆Senhor yvy regua rery ombopara vy aipoe'i 'rã:

“Kova'e ma ha'e pygua ae.”

₇Oporaei va'e kuery ha'e javi opo-opo reve aipoe'i 'rã:

“Ndere anho oĩ xemoingo porãa ha'e javi.”