Salmo 85

₁Senhor, remoingo porã va'ekue ndeyvy,

Jacó kuery guive remoingo porã ju.

₂Ndevygua kuery ojejavyague remboguepa va'ekue,

heko vaiague rejao'ipa.

₃Ndepoxya nderexa ukai orevy,

ndepoxya rupi e'ỹ orerereko va'ekue.

₄Oreruete orereraa jepea, peteĩgue ju ke oremoingo porã,

oregui eipe'a ju ndepoxya.

₅Tyrã ndepoxy riae 'rã teve orevy?

Raka'e rã peve 'rã nda'u ndepoxy?

₆Noremoingo porãve jevyi 'rã ri ty'y,

ndevygua kuery ndererovy'a aguã?

₇Senhor, exa uka ndeporayvua orevy,

ejapo roo jepe aguã rami.

₈Ajapyxaka 'rã Senhor ijayvua re,

mba'eta ijayvu ojeupegua iky'a e'ỹ va'e kuery omoingo porã aguã re,

o'arandu e'ỹa py ho'a ve'ỹ aguã.

₉Ou ma oiny henonde ojererokyjea rupi ikuai va'ea py, ogueraa jepe aguã,

nhandeyvy re hexakãa ojekuaa aguã.

₁₀Mborayvu nhomoirũ anhetẽ va'e reve,

teko porã ha'e jaiko porãa oje'a jova pyte va'e rami.

₁₁Yvy gui henhoĩ 'rã anhetẽ va'e,

ha'e teko porã oma'ẽ 'rã yva gui.

₁₂Senhor ome'ẽ 'rã iporã va'e,

ha'e nhandeyvy re oiko 'rã mba'emo'a.

₁₃Teko porã oo 'rã henonde,

oguereko katu aguã haperã oo aguã.