Salmo 70

₁Xeruete, xereraa jepe ke.

Ejapura ke Senhor, xerepy aguã.

₂Tove xerekove oipe'axe va'e toxĩmba,

oxĩmbaa anho toendu.

Ajexavaia re ovy'a rei va'e kuery

oxĩmba reve tojevypa guakykue katy.

₃Tove ovy'a rei va'e xevy “Ha'evea rami! Ha'evea rami!”

he'i va'e kuery toguevipa.

₄Ha'e rã ndereka va'e kuery ha'e javi ma tandererovy'a oporaei reve.

Rejogueraa jepea oguerovy'a va'e

“Nhanderuete ima'endu'a porãmby toiko!” te'i riae okuapy.

₅Ha'e gui xee ma iporiaukue'i, ojexavai rei va'e aiko.

Xeruete, ejapura xerepy aguã.

Ndee ma xepytyvõa ha'e xerepyarã.

Senhor, ndeare eme ke!