Salmo 54

₁Xeruete, xereraa jepe ke nderery rupi,

xemboeko porã guive ndepo'akaa rupi.

₂Xeruete, endu ke anhembo'e ramo,

ejapyxaka ayvu xejuru gui oẽ va'e re.

₃Mba'eta xere opu'ã okuapy porojojai va'e kuery,

jojuka va'ety kuery xejukaxe okuapy.

Ha'e kuery ma Nhanderuete re ima'endu'aa rupi nda'ikuai.

₄Ha'e rã xee ma Nhanderuete oiko xepytyvõarã.

Senhor oiko xemoingovearã.

₅Ombopaga 'rã heko vai va'e xemoingo axyague re.

Ojeroviapy reikoa rupi remomba 'rã.

₆Ndevy ame'ẽxea'i py ame'ẽ 'rã ome'ẽmby.

Senhor, aporaei 'rã nderery rupi iporã ramo.

₇Mba'eta xereraa jepe ajexavaia ha'e javi gui.

Ha'e ramo aexaa py xerovaigua kuery okanhymba.