Salmo 3

₁Senhor, heta pojava va'e ty'y xerovaigua kuery ikuai!

Aipapapa aguã rami e'ỹ xere opu'ã va'e.

₂Heta ete xevy aipoe'i okuapy va'e:

“Nhanderuete tu ndogueraa jepei 'rã rima.”

₃Ha'e rami teĩ Senhor, ndee ma mba'emo vai jokoa reiko xevy.

Ndee ae roguerovy'a, ha'e rã xeakã remopu'ã kuerei 'rã.

₄Xeayvu atã reve ajapukai Senhor pe.

Ha'e rã yvyty iky'a e'ỹ va'e áry gui xembovai.

₅Anheno vyve ake vyvoi 'rã,

avy ju 'rã guive, xere Senhor opena ramo.

₆Xee ma ndakyjei 'rã mbovy e'ỹ

jovaive-ive re xere opu'ã va'e gui.

₇Senhor, epu'ã ke.

Xerepy ke, Xeruete.

Xerovaigua kuery ha'e javi reunga 'rã haĩnhykã,

remopẽmba 'rã heko vai va'e kuery raĩ.

₈Mba'eta Senhor gui ou 'rã jaa jepe aguã.

Tove ndevygua kuery re toĩ remoingo porãa.