Salmo 24

₁Senhor mba'e ae itui yvy ha'e opa mba'e hexe ikuai va'e,

yvy regua kuery ha'e javi guive.

₂Mba'eta ha'e onhono raka'e ye'ẽ áry rupi,

yy oxyry va'e áry omombyta.

₃Marã ramigua tu ha'eve Senhor pegua yvyty re oẽ aguã?

Marã ramigua nda'u ha'eve henda iky'a e'ỹ va'e py oiko aguã?

₄Opo py ojejavy e'ỹ va'e, ipy'a ky'a e'ỹ va'e,

tuuete ramigua ovare e'ỹ va'e re onhe'ẽ nogueroma'endu'ai va'e,

neĩ ndoura rivei va'e.

₅Ha'e va'e kuery re ma ou 'rã Senhor omoingo porãa,

ha'e ramo Nhanderuete heraa jepea po gui ojopy 'rã teko porã.

₆Ha'e rami ikuai ixupe ojapukai va'e kuery,

Jacó Ruete oekaa rupi ikuai va'e.

₇Peipe'a ke okẽ ikuai va'e,

peipe'apave okẽ guaxu marã e'ỹ,

Huvixave hexakãmba va'e oike aguã.

₈Mava'e tu Huvixave hexakãmba va'e?

Senhor imbaraete ha'e ipo'akapa va'e,

Senhor joe opu'ãa rupi ipo'aka va'e.

₉Peipe'a ke okẽ ikuai va'e,

peipe'apave okẽ guaxu marã e'ỹ,

Huvixave hexakãmba va'e oike aguã.

₁₀Mava'e tu Huvixave hexakãmba va'e?

Senhor ixondaro reta va'e,

ha'e ae Huvixave hexakãmba va'e.