Salmo 15

₁Senhor, marã ramigua nda'u oiko 'rã ndevygua opy?

Marã ramigua nda'u oĩ 'rã ndevygua yvyty iky'a e'ỹ va'e py?

₂Teko porã rupi ikuai va'e anho,

gueko porãa oexa uka va'e,

opy'a py anhetẽ rupi ijayvu va'e,

₃oapekũ py joe ijayvu vai e'ỹ va'e,

amboae kuery pe ojapo vai e'ỹ va'e,

neĩ ngoo katy rai'i ikuai va'e re voi ima'endu'a vai e'ỹ va'e.

₄Ha'e kuery ndoguerovy'a rei 'rã ojou vaipy,

ha'e rã omboete 'rã Senhor renonde ojererokyjea rupi ikuai va'e kuery anho.

Ijayvuague ndojapo e'ỹi 'rã guive,

ha'e nungakue py oiko axy teĩ.

₅Operáta oiporuka rire nomboekovia retavei 'rã,

neĩ nombopagai 'rã ojejavy e'ỹ va'e kuery mba'emo ome'ẽa ta teĩ.

Ha'e rami ikuai va'e ma mba'eve py ndoityai 'rã.