Salmo 14

₁Hi'arandu e'ỹ va'e ma opy'a py:

“Nhanderuete ndoikoi” he'i.

Ha'e kuery opa marã ikuai ojejokoa rupi e'ỹ.

Neĩ peteĩve ma ndoikoi heko porã va'e.

₂Ha'e rã Senhor ma yva gui oma'ẽ 'rã avakue ra'y kuery ikuaia re,

oexa aguã amongue pa 'arandu rupi oikoa,

amongue pa oiko Nhanderuete oeka va'e.

₃Ha'e rami teĩ ha'e javive ojepe'a, opa marã rei ikuai pavẽ rei.

Ndoikovei ae teko porã rupi oiko va'e,

neĩ peteĩve ma.

₄Teko vai rupi ikuai va'e 'arandurã noĩ teve?

Ha'e kuery ma xevygua kuery omomba rivepa 'rã mbojape ho'ua rami.

Ndojapukai 'rã guive Nhanderuete pe.

₅Ha'e rami teĩ ha'e kuery onhemondyipa 'rã

oexa vy heko porã va'e kuery reve Nhanderuete oiko ramo.

₆Ha'e kuery ma yvyĩgue'i nhomongeta ramo ojojai rei okuapy,

ha'e rã Senhor ma onhemoĩ ha'e kuery onhemi aguã.

₇Sião gui ou ma va'e rire Israel kuery reraa jepearã!

Senhor ojeupegua kuery omoingo porã jevy ramo

Jacó ramymino kuery, Israel kuery ovy'apa 'rã okuapy.