Salmo 13

₁Senhor, raka'e peve 'rã tu nderexarai xegui?

Raka'e peve 'rã tu xevy pe nderejexa ukavei?

₂Raka'e peve 'rã tu nda'evei riae xepy'a py?

Mba'eta ko'ẽ nhavõ xepy'a py aendu ndavy'aia.

Raka'e peve 'rã tu xerovaigua xere opu'ã rei?

₃Senhor Xeruete, eikuaa pota ke xere, xembovai guive!

Xemboexa pyxo, manoa py ake e'ỹ aguã,

₄xerovaigua kuery “Xepo'aka ma hexe” he'i e'ỹ aguã,

ha'e xerovaigua kuery xekangy ramo oexa vy ovy'a rei e'ỹ aguã.

₅Ha'e rã xee ma ajerovia ndere xemboaxya rupi xerereko aguã.

Xepy'a py arovy'a xereraa jepea.

₆Aporaei 'rã Senhor pe,

opa mba'e py xemoingo porã rire.