Salmo 16

₁Xeruete, epena porã ke xere,

ndere anhemi rire.

₂Senhor pe aipoa'e: “Ndee ma xe-Senhor.

Iporãve va'e xee ndarekoi ndee e'ỹ vy.

₃Ha'e gui ndevygua iky'a e'ỹ va'e yvy re ikuai va'e ma

xee arovy'a vy ha'e kuery pe ‘Yvatekueve’ ha'e.”

₄Ha'e rã amboae tuueterã re Senhor omboekovia va'e kuery ma ikuai axy 'rã.

Ha'e kuery ruete pe xee name'ẽi 'rã tuguy revegua,

neĩ ndaxeayvui 'rã hery rupi.

₅Senhor anho oiko mba'emo xevygua me'ẽa, xekaro pygua me'ẽa guive.

Ndee anho remoĩ xerenonderã.

₆Ha'e ramo xevygua ma ha'eve va'e,

xevy guarã ma iporã va'e meme.

₇Aroayvu porã 'rã Senhor xemo'arandua,

pyávy voi xemongeta xepy'a re.

₈Xema'endu'a riae Senhor xereve oikoa re.

Xeyvýry oĩ ramo ndaxereityai 'rã.

₉Ha'e rã xekuraxõ py avy'a,

xenhe'ẽ ovy'a,

xerete avi opytu'u porã 'rã.

₁₀Mba'eta xerekovea nderejai 'rã manoa py,

Ndevygua iky'a e'ỹ va'e nderejai 'rã ivaipa aguã py.

₁₁Xevy rexa uka 'rã tape tekove katy oo va'e.

Nerenonde oĩ avy'a ete aguã,

ndeyvýry oĩ xembovy'a va'e raka'e rã peve guarã.