Salmo 142

₁Senhor pe ajapukai, xeayvu ainy.

Ajapukai vy xepytyvõ aguã re ajerure.

₂Ixupe amombe'upa ndavy'aia,

henonde amombe'upa ajexavaia.

₃Xee nanhanimavei ma aikovy ramo

ndee reikuaa 'rã aikoa ha'e javi.

Tape aguata aguã rupi xerovaigua kuery omoĩ 'rã nhuã.

₄Ema'ẽ na aiporu kuaa regua re, ha'e exa pota,

mba'eta avave rei ndoikoi xerexa kuaa va'e.

Jipoi anhemi aguã,

xere avave rei noma'ẽ potai guive.

₅Senhor, ndevy pe ae ajapukai.

Ha'e vy aipoa'e: “Ndee ae anhemiaty.

Xevy guarã ndee anho reiko ko yvy re aikoa py.”

₆Endu ke ajapukaia,

xekangy vaipa ete ramo.

Xereraa jepe xerakykue monha va'e kuery gui,

xegui ha'e kuery imbaraeteve ramo.

₇Enoẽ xerekovea nhuã gui,

nderery rupi arovy'a aguã.

Heko porã va'e kuery oupa 'rã xeyvýry,

xevy pe ha'e rami rejapo porã rire.