Salmo 141

₁Senhor, ndevy ae ajapukai.

Eju pojava ke xepytyvõ!

Ndevy pe ajapukai ramo endu.

₂Ajerurea toẽ ndea py heakuã porã va'e rami.

Xepo aupia toĩ ka'aru'i jave ome'ẽmby rami.

₃Senhor, ejoko xejuru,

earõ xeayvua rokẽ.

₄Ajapo vaixea toĩ eme xepy'a re,

teko vai rupi aiko e'ỹ aguã

avakue joapo vai va'e ikuaia rupi e'ỹ,

ha'e kuery okaru okuapya py xee voi akaru e'ỹ aguã.

₅Xevy pe heko porã va'e ijayvu ete teĩ ajou porã 'rã.

Xevy rã ijayvu okuapya ma azeite xeakã re omoĩa rami.

Xee ma naendu e'ỹi 'rã.

Heko vai va'e jajapo vai okuapy teĩ xee anhembo'e 'rã.

₆Ha'e kuery rerekoa kuery omombopaa 'rã itaova guy katy.

Ha'e kuery oendu 'rã ha'evea rami xeayvua anho,

₇xerupa gui xekãgue oipe'a vy ijyvýry rupi omoaĩmba teĩ,

yvy oikaraĩague rupi rive.

₈Mba'eta Senhor, ndere ae ama'ẽ aikovy.

Ndere ae ajerovia va'e.

Eja eme xerekovea.

₉Xereraa jepe ke heko vai va'e kuery

nhuã xã xembo'aarã omoĩ va'ekue gui.

₁₀Heko vai va'e ae to'a nhuã omoĩ va'ekue py,

ha'e rã xee ma aikove reve taa jepe.