Salmo 138

₁Senhor, xee roguerovy'a 'rã xepy'a ha'e javi py.

Ipo'akakueve oendua py rogueroporai 'rã.

₂Ndevygua templo iky'a e'ỹ va'e oĩa katy ama'ẽ reve

aĩ 'rã xerenapy'ã re nderery aroporaei aguã,

ndeporayvu ha'e ndereko porã va'e ramo.

Mba'eta opa mba'e gui remboyvateve nderery ha'e ndeayvu.

₃Mba'eta ndevy pe ajapukai ramo xerepy,

xembopy'a guaxu vy xemombaraeteve guive.

₄Senhor, yvy regua huvixave kuery ha'e javi oporaei 'rã okuapy ndevy,

ndejuru gui ndeayvua oendu vy.

₅Ogueroporaei 'rã Senhor reko,

Senhor rexakãa tuvixa ete ramo.

₆Senhor ma yvate ete va'eri

yvyĩgue'i re oma'ẽ avi 'rã.

Ojejou porã rei va'e kuery ha'e oikuaa mombyry gui teĩ.

₇Xee ajexavai aikovy ramo

rembopyau 'rã xerekovea.

Ndepo reupi 'rã xerovaigua kuery poxya káuxa.

Reiporu kuaa regua py xereraa jepe 'rã.

₈Xevy pe Senhor ojapo 'rã ojapo 'rã va'ekue ha'e javi.

Senhor, renhomboaxya ma opa va'erã e'ỹ.

Eja eme ndepo py ae remoingo va'ekue.