Salmo 136

₁Perovy'a ke Senhor porayvu va'e ramo,

mba'eta nhomboaxya opa va'erã e'ỹ.

₂Perovy'a tuuete ikuai va'e Ruete,

mba'eta nhomboaxya opa va'erã e'ỹ.

₃Perovy'a senhor ikuai va'e Senhor,

mba'eta nhomboaxya opa va'erã e'ỹ.

₄Ha'e anho ojapo mba'emo porã tuvixa va'e,

mba'eta nhomboaxya opa va'erã e'ỹ.

₅O'arandua rupi ojapo raka'e yva,

mba'eta nhomboaxya opa va'erã e'ỹ.

₆Yvy avi onhono raka'e yy áry rupi,

mba'eta nhomboaxya opa va'erã e'ỹ.

₇Ojapo raka'e omoexakã va'erã tuvixa va'e,

mba'eta nhomboaxya opa va'erã e'ỹ.

₈Kuaray ojapo ara py ojope aguã,

mba'eta nhomboaxya opa va'erã e'ỹ.

₉Jaxy ha'e jaxy-tata ojapo avi pytũ omoexakã va'erã,

mba'eta nhomboaxya opa va'erã e'ỹ.

₁₀Egito pygua kuery ra'y jypy guare ojukapa raka'e,

mba'eta nhomboaxya opa va'erã e'ỹ.

₁₁Ha'e vy ha'e kuery mbyte gui oipe'a Israel kuery,

mba'eta nhomboaxya opa va'erã e'ỹ.

₁₂Opo oupi vy oexa uka opo'akaa,

mba'eta nhomboaxya opa va'erã e'ỹ.

₁₃Omboja'o Ye'ẽ Pytã mokoĩ henda rupi,

mba'eta nhomboaxya opa va'erã e'ỹ.

₁₄Omboja'oague rupi ojapo Israel kuery oaxa aguã rami,

mba'eta nhomboaxya opa va'erã e'ỹ.

₁₅Ha'e gui ye'ẽ py omoinge Faraó, oxondaro kuery ha'e javi reve,

mba'eta nhomboaxya opa va'erã e'ỹ.

₁₆Tekoa e'ỹa rupi ogueroguata heravy ojeupegua kuery,

mba'eta nhomboaxya opa va'erã e'ỹ.

₁₇Ojuka huvixave kuery ipo'akapa va'ekue,

mba'eta nhomboaxya opa va'erã e'ỹ.

₁₈Huvixave omboetevepy ojuka,

mba'eta nhomboaxya opa va'erã e'ỹ.

₁₉Ojuka amorreu kuery ruvixa Seom,

mba'eta nhomboaxya opa va'erã e'ỹ.

₂₀Ojuka avi Basã pygua kuery huvixa Ogue,

mba'eta nhomboaxya opa va'erã e'ỹ.

₂₁Ha'e kuery yvykue omboaxa ojeupegua kuery pe,

mba'eta nhomboaxya opa va'erã e'ỹ.

₂₂Guembiguai Israel kuery yvyrã ome'ẽ,

mba'eta nhomboaxya opa va'erã e'ỹ.

₂₃Nanhanembaraetevei ramo ima'endu'a nhandere,

mba'eta nhomboaxya opa va'erã e'ỹ.

₂₄Ha'e vy nhanderovaigua kuery po gui nhandereraa jepe,

mba'eta nhomboaxya opa va'erã e'ỹ.

₂₅Guemimoingo kuery ha'e javi pe ojou uka 'rã ho'u va'erã,

mba'eta nhomboaxya opa va'erã e'ỹ.

₂₆Peroporaei ke Nhanderuete yva regua,

mba'eta nhomboaxya opa va'erã e'ỹ.