Salmo 114

₁Israel kuery Egito yvy gui oẽ jave,

Jacó ramymino kuery ayvu mboae py ijayvu va'e ikuaia gui oẽmba jave ma

₂Judá kuery gui Nhanderuete ojapo guenda iky'a e'ỹ va'erã,

ojapo Israel kuery ojeupe guarã ete.

₃Ha'e nunga ye'ẽ oexa vy ojava ovy,

Jordão yakã voi guakykue katy oxyry raka'e.

₄Yvyty ikuai va'e opopa vexa ava rami,

yvy'ã'i voi vexa'i ra'y rami opopa okuapy.

₅Ye'ẽ, mba'e tu oĩ ha'e rami rejava aguã?

Ha'vy ndee Jordão, mba'e re tu nderakykue katy rejevy?

₆Peẽ yvyty, mba'e re tu pepopa ri vexa ava rami?

Ha'vy peẽ yvy'ã, mba'e re tu vexa'i ra'y rami pepo?

₇Ndee yvy, eryryi ke Senhor Jacó Ruete renonde.

₈Mba'eta itaty gui ojapo yy ruparã,

itaova ratã gui ojapo raka'e yvu.