Salmo 113

₁Aleluia!

Senhor rembiguai pendekuai va'e, peporaei ke,

peroporaei Senhor rery.

₂Ta'ima'endu'a porãa Senhor rery re,

aỹ ha'e raka'e rã peve!

₃Kuaray oẽa guive oikea peve

togueroporaeia Senhor rery!

₄Senhor ma yvate ete va'e, yvy jave regua áryve,

hexakãa voi yva áryve oo.

₅Mava'e nda'u Senhor Nhanderuete reve joo rami heko va'e?

Henda openaaty ma yvatea py oĩ.

₆Ojero'a 'rã guive oexa aguã

yva ha'e yvy re mba'emo oiko va'e.

₇Omopu'ã ju 'rã imo'amy yvy ku'i py omombo pyre,

yty gui oipe'a 'rã iporiaukue'i,

₈huvixa kuery yvýry ju omboguapy imoiny aguã,

tá, omoĩ 'rã ojeupegua ruvixa kuery reve guarã.

₉Ojapo 'rã kunha imemby e'ỹ va'ekue omemby kuery reve oiko aguã rami.

Ha'e ramo ovy'a 'rã, kyrĩgue xy oiko vy.

Aleluia!