Salmo 111

₁Aleluia!

Xepy'a ha'e javi py aroporaei 'rã Senhor

heko porã va'e kuery ijatya py.

₂Senhor rembiapokue ma tuvixa meme.

Oguerovy'a va'e kuery ha'e javi oikuaa pota 'rã ha'e nunga re.

₃Guembiapo ha'e javi py oexa uka guexakãa ha'e opo'akaa,

heko porãa avi oĩ 'rã raka'e rã peve.

₄Hembiapo porã re nhanema'endu'a aguã rami ojapo.

Senhor ma porayvu ha'e nhomboaxy va'e.

₅Omongaru 'rã henonde ojererokyjea rupi ikuai va'e,

ima'endu'a riae 'rã guexeve guarã ojapo va'ekue re.

₆Ojeupegua kuery pe oexa uka 'rã opo'akaa mba'emo ojapoa py,

ijyvyrã amboae regua kuery ikuaiague ome'ẽa py.

₇Opo py ojapo va'e ma anhetẽ ha'e teko porã rupi meme ojapo,

nhanembo'ea voi ojeroviapy meme.

₈Ha'e nunga oĩ porã 'rã raka'e rã peve,

ojeroviapy oikoa ha'e teko porã rupi oeja rire.

₉Ojeupegua kuery pe ombou heraa jepearã,

guexeve guarã ojapo vy raka'e rã peve guarã.

Hery ma iky'a e'ỹ va'e ha'e nhomongyjea.

₁₀Senhor renonde jajererokyjea rupi jaiko vy 'rãe jaupity 'arandua.

Ha'e rami ikuai va'e ha'e javi oexa uka 'rã 'arandu.

Jaroporaeia oĩ riae 'rã raka'e rã peve!