Salmo 110

₁Senhor aipoe'i xeruvixa pe:

“Eguapy ke aiporu kuaa regua re,

nderovaigua kuery ndepy guýry amoĩ peve”, he'i.

₂Sião tetã gui Senhor omboaxa 'rã po pygua ndepo'aka aguã.

Ha'e vy aipoe'i 'rã: “Ndepo'aka ke nderovaigua kuery re”, he'i 'rã.

₃Ha'e gui ma ndepo'akaa ára

ndevygua kuery ojexa ukapa 'rã ndere ouxea'i rami.

Ndevygua kunumigue ma iky'a e'ỹ va'e py onhemonde reve 'rã ikuai,

aje'ive'i yxapy ojekuaa va'e rami.

₄Senhor ouraague ndoguerovai 'rã:

“Ndee ma sacerdote reĩ raka'e rã peve guarã,

Melquisedeque reko rami ndereko va'e vy”, he'i rire.

₅Senhor reiporu kuaa regua re oĩ va'e ma

ipoxya ára omou'ũmba 'rã huvixave kuery.

₆Ombopaga 'rã yvy regua kuery,

omonyẽ 'rã te'õgue anho.

Nhoakã omou'ũmba 'rã yvy jave re.

₇Oikoa rupi yxyry oĩ va'e gui oy'u 'rã oiny,

ha'e gui oakã omopu'ã ju 'rã ovy.