2 Corintodeniza 6

₁Nazama Deoza izepe irrirrarope tiadeni acco canade imadirraro. Nezape ettissa tinanemananiuarrine etti bica teza tiadeniza uati inarraro: Deo pocca touati uanehe tiadeniza auato inanezape ponima tinanemana terrerarri, inarraro. ₂Arri Deo Atti dozo nanizape Poua Attia:

₃Deoza izepe irrizape icca madie bica tani madirra qqui toquenauiuarrine damamera inarraro. Nema inerrerezape Deocca zossehe izepe irrirraro tossamorana. Madirra attidenipa: —A, pouadenirrine bica terrerani −quena-rrarauiuarrine imadinissa tarraro. ₄Deo ia tocazossebaqquirrariza izepe irrirrarope madirra bazimaza auato taniuarrine nacassassa inarraro. Nema nezape uima onihi onihi iaza ssonariraha mouaraza inauanarraro. Imadiniuarrinecca icappireza naqui mouaraza icappirehe imadirraro. Uima ocassera tanicca naqui nema nehe mouaraza inauanarraro. ₅Cocossirideni inauana, toponi cocoroza ia ua tozimabaqquiza inauana, mouanirri torrarizeza iaza ssonarimanaui inauana, tarabaia narro taniccaza izepe irririzani inauana, zome inocco bissani inauana, pemi naqui inauana narizarraro. ₆Parrissa Deo ia tocazossebaqquirrariza izepe irrirraro auato taniuarrinepe uimasiri rrirehe imadirraro, Deocca parrissehe nauatoto inarraro, uima narro tanicca inauananiuarrine nauatoto inarraro, bazimaza rroneqquiri inarraro, Deo Corime iaza madirrari, maizerehema madirra bazimaza eti uana tarraro. ₇Deocca uima bicani parrissehera mari mari inarraro. Pocca dacorehe icarrini iaza auato tarraro. Icca uima Deoza parrirenissa tarrarope pina rrazirerrine icarrirrarossa narraro. Ia uauadidedeniza issonariniuarrine icarri, iaza ssonarimanaza naqui ibiquera-rreraniuarrine icarri narraro. ₈Uada onihizapa madirra iaza bicaqquiri narrari. Iaza: —Arrarraridenipa bicaqquiri naui −quenarrari. Naraha uada onihizapa madirra ouaha iaza nacassera inani quenarrari. Iaza: —Arrarraridenipa uaidiraqquiri naui −quenarrari. Parrissa uati uati inarraroraha iaza pina maizaqquiri narraridenizassa quenarrari. ₉Iaza nauatoqquiri naraha pina iaza noccodeni rrizaqquiri narraridenizassa quenarrari. Ecotabote narizeraha camittaqquiri inaccani. Ia tonarrizobaqqui-manaraha ia nanazoqquemana-rraraui. ₁₀Pina orri inarrarossa naraha nema nehe Deoza etizerraro. Pina icappirarrarossa naraha Deocca danirri uima bicani icarrirraro. Irrine naqui Deocca danirri madirra bazimaza torrarizarraro.

₁₁Rrehe ouimecotedeni Corintocca, imaiza-rrereza uima mota naqui ecoma-rrereza tiadeniza uati uati inade. Ibodiza icarrirraro tiadeniza inauabarrarossa narraro. ₁₂Iape tiadeniza eti uanaqquiri naraha tiadenina iaza tetideni uaneraqquiri narrarossa tiquenarraro. ₁₃Nema nezape tiadeniza pina occa erredeniza uati onarrarossa narraro: Ouaza tetideni uanaqquiri narri. Pina tiadeniza ouati uana tarrarossa tiquenana, onarraro.

₁₄Rrehe, tiadeniza ouatti naqui: Zeso Cristoza rrehe quena-rrararrarideniza ticarrimemana terrerarri. Arri uima bicanipe uimasiri tazarrani carrimaniuarrine ssamo tani. Pina ssiuarrani zizini tazarrani carrimaniuarrine ssamo tarrarossa narraro. ₁₅Narrarossa narraro Zeso Cristo naco pocca uauadi Tocorime-Tamine tezerre carronerauiuarrine ssamo taui. Zeso Cristoza rrehe narrari naco arra Zeso Cristoza rrehe narrararrari tezerre rrehe canireuissa tauiuarrine ssamo taui. ₁₆Ia Deoza rrehe inarraro essirepe Deo camitta tarraricca mamadi iquerrenarraro. Nema inezape madirracca deo pouamaccaza iquerrenaniuarrine ssamo tani. Arrana Deo Poua Attipa: