Yohan 12

₁Seks taache foer te Oostre, is Yeesus noo tas plats Petanye kang, woo Lasarus kewoont hot, tee woo eyer witer peleept hat. ₂Too hon se en nachts ese prepareyert fer Yeesus. Marta waar am helfe petiine, un Lasarus waar eene fon tëne woo mit tëm am tix kesetst hon. ₃Tan, hot Maria en kleesye fon en aariche tayre perfum kehool, fon phuer nart kemach. Tii hot te perfum an Yeesus sayn fiis kexut un hot se mit sayn hoer ketrokent; un tas kanse haus hot sich perfumeyert. ₄Awer, Yuutas Iskariotes, te tisipel woo Yeesus hinerkeen teet, saat:

₅— Tee perfum is mee wii tray hunert silwerne nikle weyert. Warom is tee net ferkhaaf kep, un tas kelt fer ti aarme kexënkt kep?

₆Yuutas hot tas kesaat, net wayl tee ti aarme taure teet, awer wayl eyer en xpits puup waar. Tee hot ti kelt thax uf kepast un hot ti kewoonheet imer fon tëm raus hoole.

₇Tan hot Yeesus keantwort:

— Los Maria in ruu! Tii sol tas uf heepe fer te taach fon mayn peëertichung. ₈Ti aarme sin imer pay aych, awer ich wëre net imer pay aych sin.

₉Fiil layt hon se wise kriit tas Yeesus in Petanye waar. Tan, sin se pis tort hiin kang net ploos weche tëm, awer aach fer Lasarus siin, te man woo Yeesus witer peleept hat. ₁₀Tan, hon ti xëfe fon te priister resolweyert Lasarus aach umpringe; ₁₁wayl, weche tëm, waare fiil yute sayn fiirer inxtich am lose un an Yeesus am klaawe.

₁₂Am anere taach, hot tas kroose folek woo uf es Oostre Fest kang waar keheyert saan tas Yeesus am aan khome waar in Yeruusalëm. ₁₃Tan, hon se phalme rayse kehool un sin em pekeechne kang, am xraaye:

₁₄Yeesus hot en eeselche kesuucht un hot em kerit, wii ti Hayliche Xrifte saan:

₁₆In tee keleechenheet, hon ti tisiple tas net ferxtan. Awer wii Yeesus xon tsurik kang waar noo em Hërkot sayn kloor, hon se traan ketënkt tas tas kexrip waar iwer tee un aach tas es tas waar was paseyert waar.

₁₇Tas kroose folek woo pay Yeesus waar wii eyer Lasarus raus keruuf hot fon sayn kraap un en noch mool peleept hat, hot ti naychkheet ferteelt iwer tas woo paseyert waar. ₁₈Un tas folek is Yeesus pekeechne kang, wayl ti layt se wise kriit hon tas tee te wuner kemach hat. ₁₉Tan, hon ti fariseyer ëne fer te anere kesaat:

— Meyer sin niks am fertiine! Kukt! Tii sin al mit tee welt am keen!

₂₀Unich em folek woo noo Yeruusalëm kang waar fer es Fest mit hale, waare phaar woo khee yute waare. ₂₁Tii sin mit Filip xpreche kang, woo fon te xtat Petsayta in Kalilëya waar, un hon ferlangt:

— Hër, meyer wole Yeesus aan trefe.

₂₂Filip is tas fer Antrëas saan kang, un ti tswaay sin mit Yeesus xpreche kang. ₂₃Too, hot eyer keantwort:

— Ti tsayt is khom tas ti kloor fom Soon fom Man reweleyert kept. ₂₄Ich fersichere aych tas tas woer is: wen en weetse khorn net in ti eyert kexmis kept un net xtërept, is tee ploos en weetse khorn. Awer, wën eyer xtërept, wërt eyer fiil weets kewe. ₂₅Weyer sayn leewe liipt, wërt net tas waare leewe hon; awer, weyer sich net aan krayft an sayn leewe uf tee welt, wërt tas waare leewe kriin fer imer. ₂₆Weyer mich tiine wil, khom mich noo; un, woo ich sin, too wërt aach mayne tiiner sin. Un mayne Fater wërt eere al tii woo mich tiine.

₂₇Yeesus hot wayter kesaat:

— Yets sin ich en kroos petriipung am xpiire. Was sol ich saan? Meecht ich saan: Fater, pefray mich fon tee xtun fon phayn? Nee! Wayl, is fer tii xtun mit mache tas ich khom sin. ₂₈Fater, reweleyer ti kloor fon tayne naame!

Tan is fom himel en xtim runer khom, woo saat:

— Ich hon se xon reweleyert un tuun se noch mool reweleere.

₂₉Tas kroose folek woo too waar hot ti xtim keheyert un saat tas es en tuner kewees weyer. Anere hon fersichert tas en ëngel mit Yeesus kexproch het. ₃₀Awer, ëyer saat:

— Waar net weche mich woo ti xtim khom is, awer weche aych. ₃₁Ti xtun is khom tas tii welt julkeyert wërt, un tee woo an ti welt xikt wërt aus kextoost. ₃₂Un, wën ich fon te eyert kehoop kewe, wërt ich ti kanse layt an mich aan tsiye.

₃₃Tee saat tas fer se wayse uf was fer aart eyer xtërwe teet.

₃₄Tas folek hot kefroot:

— Unser Kesets saat tas te Kristus fer imer leewe tuut. Wii saat teyer tas te Soon fom Man fon te eyert kehoop kewe mus? Weyer is tee Soon fom Man?

₃₅Yeesus hot keantwort:

— Tas licht playpt noch en pisye mee pay aych. Leept ayer leewe soo lang wii teyer tas licht noch hot, tas ti tunkelheet net uf mool uf aych falt. Weyer in te tunkelheet keet wees net woo hiin eyer keet. ₃₆Soo lang wii teyer tas licht hot, klaapt an tas licht tas teyer im licht leewe khënt.

Wii Yeesus tas kesaat hat, is eyer fort kang un hot sich ferxtekelt fom folek. ₃₇Tii hon kesiin kehaat Yeesus ti kanse wunere mache, awer hon net an tëm keklaapt, ₃₈tas sich in hale teet was te profët Isaiias saat:

₃₉Khonte net klaawe wayl, wii Isaiias saat:

₄₁Isaiias saat tas wayl eyer ti kloor fon Yeesus kesiin hat un hot iwer Yeesus kexproch.

₄₂Awer, fiil yute fiirer hon toch an Yeesus keklaapt, hon tas awer net unich em folek kesaat, tas ti fariseyer se net aus te sinakook fort yaae teere. ₄₃Ti sin liiwer keloop kep fon te layt als keloopt kewe fon Hërkot.

₄₄Yeesus saat in hat xtim:

— Weyer an mich klaapt, klaapt net ploos an mich, awer aach an tee woo mich kexikt hot. ₄₅Weyer mich siit, siit aach tee woo mich kexikt hot. ₄₆Ich sin uf ti welt khom als licht tas tee woo an mich klaapt net in te tunkelheet playwe sol. ₄₇Wen yemant mayn mensaaj aan heyert un tuut se net praktiseere, tuun ich em net julkeere. Wayl ich sin khom fer ti welt se rete, net fer se julkeere. ₄₈Weyer mich ap xtoost un net mayn mensaaj aan nëmt hot xon weyer iim julkeere tuut. Ti wërter woo ich kesaat hon wëre te richter sin fon tëm persoon am letste taach.

₄₉— Ich hon net in mayne aychne naame kexproch, awer te Fater, woo mich kexikt hot, is weyer mich ortnet was ich saan un aan saan sol. ₅₀Ich wees tas sayne kepoote tas eewiche leewe kept. Was ich saan is kraat was mayne Fater mich kexikt hot saan.