1Timoteus 3

₁Tas is en waares untericht: wën yemant sich winxt en pixof sin in te Khërich, is eyer en kroos un xeen aarwat am winxe. ₂Te pixof mus en man sin woo nimant en feeler aan tsayche khan. Sol noore een fraa hon, mus motereyert im karakter sin, kexayt un eenfach sin, kast froyntlich sin un ti kapasiteet hon fer se unterichte. ₃Tëref net en sifer ore kewaltich sin, awer mus friitlich un kalm sin. Tëref net tas kelt tsu kërn hon. ₄Mus en kuute xëf fon sayn aychne familye sin un sayn khiner pilte soo tas se iim kuut aan heere un rexpekteere. ₅Wayl, wën yemant net sayn aychne familye kowerneere khan, wii khan tee em Hërkot sayn Khërich uf pase? ₆Te pixof tëref net sin yemant woo fer khortsem krist kep is; sonst kept eyer xtols, un wërt kextrooft wii te Taywel kep waar. ₇Te pixof mus en man sin woo rexpekteyert kept fon tëne woo net fon te Khërich sin, tas tee net tesmoraliseyert kept un in en fal fom Taywel fale khan.

₈Kraat soo, mise ti tiakoone ërnste mëner sin un sayn wort in hale. Tërefe net fiil wayn trinke un net kelt keerich sin. ₉Sole sich an ti reweleyert woerheet hale un imer en sauwere kewise hale. ₁₀Te eyerxt mise se propiert kewe un tëm noo, wën se aproweyert kewe, tas se ti Khërich tiine sole. ₁₁Em tiakoon sayn fraa mus aach rexpektaapel sin un tëref net ratxich sin. Sii mus motereyert un leaal sin in ales. ₁₂Te tiakoon tëref noore een fraa hon un ti kapasiteet hon fer sayn khiner un sayn kans familye kuut kowerneere. ₁₃Wayl ti tiakoone woo en kuut aarwat mache, konkisteere te rexpekt fon sayn priiter im klaawe un hon ti kapasiteet fer mit koraaj se xpreche iwer sayne klaawe an Yeesus Kristus.

₁₄Ich xraywe tas ales fer tich, in te hofnung fer tich klaych pesuuche khome. ₁₅Awer, wën ich lang taure, saat tee priif wii meyer mache mise in Hërkot sayn familye, woo ti Khërich is fom leewente Kot, woo te phayler un te funtamënt is fon te woerheet. ₁₆Oone khee tswayfel, kroos is ti reweleyert woerheet fon unser relichioon. Tii woerheet is tas: