Salmo 67

₁Nhanderuete topena porã nhandere,

tanhanemoingo porã,

ha'e jaikoa rupi tomboguejy ngova rexakã,

₂yvy re ikuai va'e oikuaa aguã ndereko,

yvy regua ha'e javi ikuaia rupi oikuaa aguã rejogueraa jepea.

₃Oreruete, yvy regua kuery tandereroporaei,

tandereroporaei ha'e kuery ha'e javi.

₄Amboae regua kuery voi tandererovy'a, tandereroporaei.

Mba'eta yvy regua re reikuaa pota 'rã anhetẽ rupi,

yvy re ikuai va'e rerekopa.

₅Oreruete, yvy regua kuery tandereroporaei,

tandereroporaei ha'e kuery ha'e javi.

₆Nhanderuete nhanemoingo porã ramo

yvy re oiko ma mba'emo'a.

₇Oreruete, oremoingo porã ke,

ha'e ramo yvy apy guive ojererokyjea rupi ikuai 'rã nerenonde.