Salmo 61

₁Xeruete, endu ke ajapukaia.

Eikuaa pota anhembo'e ramo.

₂Yvy apy gui ajapukai ndevy,

xepy'apy py ajexavai vy.

Xereraa ke itaova xegui yvateve va'e áry.

₃Mba'eta ndee ma anhemiaty,

xerovaigua kuery gui torre imbaraete va'e reiko.

₄Taiko riae nembojeroviaaty rupi raka'e rã peve.

Ndepepo guýry xee anhemi va'e.

₅Mba'eta Xeruete, ndee rendu anhemboayvu rã.

Ha'e rami vy xevy pe reme'ẽ iporã va'e,

nderery oendu vy ojererokyje va'e kuery reve.

₆Remoĩve 'rã huvixave ára.

Hi'ára ipukuve ete 'rã aỹgua ha'e raka'e rãgua ikuaia peve.

₇Toĩ riae Nhanderuete renonde.

Ndereko porãa ha'e ndeporayvua rupi vy toikove riae.

₈Ha'e rami rã nderery rupi aporaei 'rã raka'e rã peve,

anhemboayvuague ajapo aguã ko'ẽ nhavõ.