Salmo 29

₁Nhanderuete ra'y kuery pendekuai va'e, pemboete Senhor,

perovy'a Senhor rexakãa ha'e imbaraetea.

₂Pemboete Senhor hery pemboete aguã ha'evea rami.

Pembojerovia Senhor iky'a e'ỹa rexakãa py.

₃Yy áry rupi onhendu Senhor ijayvua.

Nhanderuete yapu guexakãa gui.

Yy tuvixa va'e áry rupi Senhor oiko.

₄Senhor ayvu ma ipo'akapa va'e.

Senhor ayvu re yvatea anho oĩ.

₅Senhor ayvu omopẽ 'rã yary ikuai va'e.

Tá, Senhor omboa'ypa 'rã yary Líbano py ikuai va'e.

₆Líbano ha'e Siriom yvyty áry ikuai va'e

ojapo 'rã vaka ra'y rami opo-opo aguã rami, vaka ka'aguy regua rami.

₇Senhor ayvu ojapo 'rã tata hendy ovy aguã rami.

₈Senhor ayvu omboryryi 'rã tekoa e'ỹa.

Senhor ojapo 'rã Cades tekoa e'ỹa rupi yvy oryryi aguã rami.

₉Senhor ayvu ma ojapo 'rã guaxu kuery ta'y'i aguã rami,

oitypa 'rã ka'aguy.

Ha'e ramo ixupegua templo py ha'e javi “Iporã ete!” he'i okuapy.

₁₀Senhor opena raka'e yy ou jave.

Huvixave rami opena 'rã raka'e rã peve.

₁₁Senhor omombaraete 'rã ojeupegua kuery.

Senhor omoingo porã 'rã ojeupegua kuery.