Salmo 149

₁Aleluia!

Pemonhendu Senhor pe mboraei pyau!

Peroporaei ixupegua kuery iky'a e'ỹ va'e ijatya py.

₂Israel kuery toguerovy'a imoingoare.

Sião pygua kuery toguerovy'a nguvixave.

₃Peroporaei hery mimby pemonhe'ẽ reve.

Ixupe peporaei salmos, pandeiro ha'e mba'epu ixã reta va'e pembojoguy vy.

₄Mba'eta Senhor oguerovy'a ojeupegua kuery.

Yvyĩgue'i re omoĩ oo jepe aguã.

₅Ixupegua kuery iky'a e'ỹ va'e toguerovy'a hexakãa.

Ovy'aa rupi toporaei ngupa py.

₆Ha'e kuery juru py toĩ Nhanderuete pe oporaei atã aguã,

ha'e ipo py ma toĩ kyxe haimbe jovai va'e,

₇yvy regua kuery ikuaia rupi nhombopaga aguã,

amboae regua ombopaga aguã,

₈huvixave kuery corrente py oipokua aguã,

ha'e yvatekueve ferro guigua py

₉ha'e kuery ombopaga aguã ayvu ombopara pyre rami vy,

ixupegua kuery iky'a e'ỹ va'e ha'e javi omboetea aguã.

Aleluia!