Salmo 129

₁Xekunumi guive mbovykue rei e'ỹ xembojexavaia —

Israel kuery aipo te'i —

₂Xekunumi guive xembojexavaia okuapy

teĩ xere nda'ipo'akaai.

₃Xekupe rupi xekaraĩmbaa ma,

yvy karaĩa py rami xemboperepa vy.

₄Ha'e rami teĩ Senhor heko porã va'e vy

ojayapa heko vai va'e xejokuaague.

₅Sião tetã re opu'ã va'e ha'e javi

toxĩmba, tojavapa guive.

₆Oo áry mba'emo rogue henhoĩ vy

ipoty e'ỹ re ipirupa va'e rami avi tokanhymba.

₇Ha'e nunga mba'everã ndovarei ramo

avave rei opo py nomono'õai,

neĩ ojyva áry ndojokuaai heruvy guive.

₈Ha'e kuerya rupi oaxa va'e kuery aipo te'i eme:

“ Senhor topena porã pendere!

Senhor rery rupi ore rogueroayvu porã!” te'i eme.