Salmo 128

₁Ovy'a ete 'rã Senhor renonde ojererokyjea rupi ikuai va'e,

ixuguigua tape rupi ikuai vy.

₂Remba'eapoa rupi rejou 'rã re'u va'erã.

Revy'a ete 'rã, ha'e opa mba'e oiko porã 'rã ndevy.

₃Ndero py ma ndera'yxy uva hi'a reta va'e rami 'rã oiko,

ha'e ndera'y kuery ma oliveira rembypy pyau'i rami meme 'rã ikuai mesa yvýry oguapya py.

₄Ha'e rami Senhor renonde ojererokyjea rupi ikuai va'e ma omoingo porã 'rã.

₅Senhor tanemoingo porã Sião tetã gui,

reikove reve rexa aguã

Jerusalém tetã py omoingo porã rã.

₆Rexa 'rã neramymino kuery.

Israel kuery re toĩ ikuai porã aguã.