Salmo 125

₁Senhor re ojerovia va'e ma Sião yvyty rami ikuai.

Ha'e va'e ma nomyĩ 'rã, oĩ atã 'rã raka'e rã peve guarã.

₂Jerusalém tetã yvýry rupi yvyty ikuai va'e rami

Senhor opena 'rã ojeupegua kuery yvýry,

aỹ guive raka'e rã peve.

₃Heko porã va'e kuery re

heko vai va'e nda'ipo'aka riaei 'rã,

heko porã va'e opo py ojapo vai e'ỹ aguã.

₄Senhor, emoingo porã ke heko porã va'e,

anhetẽ rupi ipy'a va'e kuery.

₅Ha'e rã tape karẽ rupi opia va'e ma

Senhor ombopaga 'rã heko vai va'e kuery reve.

Israel kuery re toĩ ikuai porã aguã.