Salmo 124

₁Senhor e'ỹ nhandea katy oiko va'e rire —

Israel kuery aipo te'i —

₂Nhandere avakue opu'ã ramo

Senhor e'ỹ nhandea katy oiko va'e rire

₃ha'e kuery jaikove reve nhanemokõmba 'rãgue,

nhandevy ipoxypa vy.

₄Nhande'áry yy ou 'rãgue,

ty guaxu vy oaxa 'rãgue nhanderekove áry,

₅yy oxyry atã va'e

oaxa 'rãgue nhanderekove áry.

₆Ta'ima'endu'a porãa Senhor re,

ha'e kuery pe nanhanemondoro ukai rire haĩ py.

₇Ha'e rami rã nhanenhe'ẽ oo jepe

guyra mbo'aa nhuã gui oo jepea rami.

Nhuã omondo ramo jaa jepe.

₈Senhor yva ha'e yvy apoare rery rupi

jajapukai ramo ou nhanepytyvõarã.