Salmo 122

₁Xevy pe “Jaje'oi ke Senhor pegua oo py”

'ea rã aendu vy avy'a ete.

₂Ndee Jerusalém tetã,

orepy ovaẽ ma nerokẽ py.

₃Jerusalém ma tetã peteĩ henda'i py ojapo pyre.

₄Ha'e katy oje'oi 'rã Senhor pegua kuery ha'e javi regua,

Senhor rery oguerovy'a aguã

Israel kuery oje'oi aguã va'e.

₅Ha'e py ma ikuai ha'evea rami oikuaa pota va'e renda,

Davi ramymino kuery openaaty ikuai.

₆Pejerure ke Jerusalém oĩ porã aguã.

Ndererovy'a va'e kuery ta'ikuai porã avi.

₇Ndekora mbyte ikuai va'e ta'ikuai porã,

huvixave ro pygua kuery voi topytu'u porã.

₈Xeryvy kuery, xeirũ kuery re ama'ẽ vy

Jerusalém tetã re ajerure:

“Toĩ ha'e py ikuai porã aguã”, ha'e.

₉Senhor Nhanderuete pegua oo re ama'ẽ vy

anhea'ã 'rã aikovy oĩ porã aguã.