Salmo 121

₁Yvyty katy ama'ẽ.

Magui nda'u ou 'rã xerepyarã?

₂Senhor yva ha'e yvy apoare va'e gui ae

ou xerepyarã.

₃Ha'e ma nandereity ukai 'rã.

Nerarõa rupi ndoke oinyi 'rã.

₄Israel kuery rarõa ma oke va'erã e'ỹ,

ndojaparai 'rã guive.

₅Senhor ae opena porã 'rã ndere.

Nemo'ãarã Senhor oĩ reiporu kuaa regua re.

₆Ha'e ramo ara py kuaray nandeapo vai 'rã,

pyávy teĩ jaxy voi nandeapo vai 'rã.

₇Senhor ndereraa jepe 'rã opa mba'e vai gui.

Nderekovea re opena porã 'rã.

₈Reẽ ha'e reike ju ramo Senhor onhangareko 'rã ndere

aỹ guive raka'e rã peve.