Salmo 101

₁Xee aporaei 'rã ndeporayvu ha'e ha'evea rami rejoguerekoa re.

Senhor, ndevy pe ae aporaei.

₂Anhea'ã 'rã xe'arandua rupi tape porã rupi anho aiko aguã.

Raka'e nda'u reju 'rã xea py?

Xero py aikoa py voi xepy'a ky'a e'ỹa rupi pota 'rã aiko.

₃Xee aexaa py ma namoĩ 'rã teko vai.

Ndajou porãi ojepe'a va'e kuery ikuaia.

Ha'e kuery reko neĩ peteĩ henda py voi noĩ 'rã xere.

₄Xevy pe nda'evei ete xepy'a ky'aa oĩ aguã.

Xee ndaikuaaxei teko vai.

₅Ha'e gui nhemi rupi joe ijayvu vai va'e ma amokanhy 'rã.

Opy'a py ojejou porã ha'e onhemboyvate rei va'e ma xee ndaropo'akai.

₆Xee aexaxe va'e ma ojeroviapy yvy re ikuai va'e anho,

aru 'rã xero py xereve ikuai aguã.

Tape porã rupi ikuai va'e ma amoĩ 'rã xerembiguairã.

₇Xero py ma neĩ peteĩve jokore va'e ndoikoi 'rã,

neĩ peteĩve ijapu va'e voi ndoikoi 'rã xerenonde.

₈Ko'ẽ nhavõ amokanhy 'rã heko vai va'e yvy gui,

Senhor pegua tetã gui aipe'a aguã teko vai rupi ikuai va'e ha'e javi.