Lukas 4

₁Yeesus, kefilt fom Hayliche Kayst, is tsurik khom fom flus Yortaan un te Kayst hot em pis an te tesërt kenom. ₂Tort hot te Taywel em fërtsich taache lang keproopt. Ti kans tsayt hot eyer niks kes un tëm noo hot eyer hunger kriit. ₃Too hot te Taywel tëm kesaat:

— Wëns tuu em Hërkot sayne Soon pist, tan transformeyer tee xteen in proot.

₄Yeesus hot keanwort:

— Ti Hayliche Xrifte saan tas te man net noore fon proot leept.

₅Too truf hot te Taywel Yeesus pis an en hooch plats kenom, un in en aue plik hot eyer tëm ti kanse rayche fon te kans welt ketsaycht ₆un saat:

— Ich kewe tich tii kans macht un tii kans raychtum fon tee rayche, wayl tas ales waar mich kexënkt kept, un khan es kewe fer weem ich wil. ₇Tas ales wërt tich keheere wëns tuu tich foer aan mich kniist un tuust mich aan peete.

₈Yeesus hot keantwort:

— Ti Hayliche Xrifte saan:

₉Tan hot te Taywel em pis Yeruusalëm kefiert un hot em pis an te heechste phunkt fom Thëmpel kextelt un saat:

— Wëns tuu Kotes Soon pist, tan hups too runer, ₁₀wayl ti Hayliche Xrifte saan:

₁₂Tan hot Yeesus keantwort:

— Ti Hayliche Xrifte saan: “Tuu net te Hër, tayne Kot, in proop xtele.”

₁₃Wan te Taywel Yeesus fërtich keproopt hat, is er fort fer en tsayt.

₁₄Yeesus is tsurik noo te rechioon fon Kalilëya kang, un ti macht fom Hayliche Kayst waar pay em. Ti naychkheete fon tëm hon sich in te kans keechent ferprayt. ₁₅Tee hot untericht in te sinakooke kehal un al hon em aarich keloopt.

₁₆Yeesus is noo te xtat Nasarëë kang, woo eyer kroos kewakst waar. Am samstach, wii es sayn kewoonheet waar, is er in ti sinakok kang. Tort hot eyer sich uf kextelt fer ti Hayliche Xrifte runer leese, ₁₇un hon tëm em profët Isaiias sayn puch kep. Tee hot tas puch uf kemach un hot tas plats kefun woo soo kexrip waar:

₂₀Yeesus hot tas puch tsuu kemach, hot es tëm helfer fon te sinakook ap kep un hot sich kesetst. Ti kanse layt woo tort waare hon noo Yeesus kekukt oone ti aue plike. ₂₁Too hot eyer aankefang se xpreche. Un saat:

— Hayt hon sich ti Hayliche Xrifte inkehal in tëm teel woo teyer kraat keheyert hot.

₂₂Al hon Yeesus keloopt, ferwunert mit te tsaatheet un froyntlichkheet woo eyer hat fer se xpreche, un hon kesaat:

— Is tee net em Yoosef sayne soon?

₂₃Too saat Yeesus:

— Oone tswayfel tuut teyer tas xprichwort meyer witer saan: “Tokter, heel tich selepst.” Un tuut aach saan: “Meyer wise ales was tuu in Kafarnaum kemach host; mach tas selwiche too hier, in tayn aychne xtat.”

₂₄Un saat wayter:

— Ich saan aych tas es woer is: khee eene profët kept kuut aan kehool in sayn haymat. ₂₅Ich saan es aych tas fiil witfraae waare in Israël, im profët Eliias sayn tsayt, wan es tray un halep yoore lang net kereent hat, un waar kroose hunger im kanse lant. ₂₆Awer Hërkot hat Eliias net kexikt fer khee eens fon te witfraae woo in Israël keleept hon, awer noore fer en witfraa woo in Sarëpta kewoont hat, ticht an Sidoon. ₂₇Im profët Eliseu sayn tsayt, waare aach fiil lepra kranke in Israël, awer kheene fon tëne is keheelt kep. Noore Naaman, te syrer, is keheelt kep.

₂₈Wan se tas keheyert hon, hon se al fiil wuut kriit. ₂₉Too sin se uf kexprung, hon Yeesus fon te xtat raus kexlept, un hon em pis uf ti xpits fon en hiwel kenom woo tii xtat truf kepaut waar, fer em tort runer wërfe. ₃₀Awer tee is tswixich ti layt torich un is fort kang.

₃₁Too is Yeesus noo Kafarnauum kang, en xtat fon Kalilëya. Un tort hot eyer samstachs te layt untericht kehal. ₃₂Tii waare mechtich ferwunert mit sayn untericht wayl tee hot mit autoriteet kexproch. ₃₃In te sinakooke waar en man woo fon en temoon tomineyert waar. Tee man hot kexraayt:

₃₄— Hey, Yeesus fon Nasarëë! Was wilst tuu fon uns? Pist tuu khom fer uns fernichte? Ich wees kans kenau weyer tuu pist: Tuu pist te Hayliche woo Kot kexikt hot!

₃₅Too saat Yeesus fer te temoon:

— Hal ti xnis un kee fon tëm man raus!

Foer te kanse layt, hot te temoon te man uf te potem kexmis un is fon em raus, oone khee xaate tëm se tuun. ₃₆Tii layt sin al ferxrok un hon eene fer te anere kesaat:

— Was is tas fer sort wërter? Tee man, mit autoriteet un macht, yaat ti xlechte kayste, un tii rayse aus.

₃₇In tee kans rechioon hon se al kexproch fon Yeesus.

₃₈Yeesus is fon te sinakook raus kang un is pis an Simon sayn haus kang. Simon sayn xwiicher moter waar krank, mit hooch fiiwer; un hon tas fer Yeesus fertseelt. ₃₉Too is er hiin, hot sich neewich te fraa sayn pet kextelt un hot te fiiwer kexikt niter keen. Te fiiwer is ferxwun, un, im selwiche momënt, is ti fraa uf kextii un hot aan kefang ales se xafe.

₄₀Wii ti sun uner kang is, hon ti layt, woo kranke froynte hate, mit ale krankheete, tii al pis an Yeesus kenom. Tee hot sayn hënt iwich yeete ëne kehal un hot se keheelt. ₄₁Fon fiil layt sin ti xlechte kayste raus, un tii hon kexraayt:

— Tuu pist Kotes Soon!

Ti wuste tas Yeesus te ferxprochne Mesias waar, un tesweche hot eyer se net xpreche kelos.

₄₂Am neekste moynt, hot Yeesus ti xtat kelos un is noo en unpewoont plats kang. Awer ti layt hon noo tëm kesuucht, un, wii se em kefun hon, wolte se em net mee fort keen lose. ₄₃Awer Yeesus saat:

— Ich mus uf anere pletser aach ti kuut naychkheet fon Kotes Raycht aan saan, wayl Hërkot hot mich kexikt fer tas se mache.

₄₄Un tee hot ti naychkheet aan kesaat in te kanse sinakooke fon tëm lant.