Salmo 6

₁Senhor, ndepoxya rupi e'ỹ ke xemongeta,

ndevaia rupi e'ỹ xembopaga.

₂Xemboaxy ke Senhor, mba'eta aendu xekangypaa.

Senhor, xemonguera ju ke, mba'eta xekãgue oku'epa rei ma,

₃xenhe'ẽ voi nda'evei ete.

Ha'e gui ndee Senhor, raka'e peve 'rã tu naxepytyvõi?

₄Senhor, ejevy ju, eraa jepe xerekovea,

xerepy ke xemboaxy vy.

₅Mba'eta manoa py ma ndoikoi 'rã ndere ima'endu'a va'e.

Onhono porãague py ituia gui mava'e 'rã tu oporaei ndevy?

₆Xekane'õ ma xepoaẽ riae vy.

Pytũ nhavõ xerexay omoakỹ xerupa,

inhakỹmba peve.

₇Xerovaigua kuery káuxa ajexavai ramo xerexa irurupa ma,

tuja'i rami ndaexa porãi aikovy.

₈Teko vai rupi pendekuai va'e, pejepe'apa ke xea gui,

mba'eta Senhor oendu ma ajae'o reve xeayvu rã.

₉Ajapukaia oendu vy

oikuaa pota ma guive ajerurea re.

₁₀Ha'e ramo xerovaigua kuery oxĩmba ha'e onhemondyipa 'rã okuapy.

Ojepe'apa xapy'a 'rã oxĩmba vy.