Egito gui ha'e kuery oẽmba guive ikuaiague rery meme oĩa
1Pova'e rupi ma Israel kuery Egito yvy gui oje'oi vy peteĩ-teĩ regua oxondaro kuery reve oguata jogueravyague, Moisés ha'e Arão ijayvua rami meme.
2Moisés ombopara oguata oje'oivya nhavõ, Senhor ijayvua rami vy. Pova'e rupi ha'e kuery oguata, oje'oia nhavõ rupi.
3Ramessés tetã gui oje'oi jaxy jypya re quinze araa py. Páscoa ára rire ko'ẽ jevy ma Israel kuery oguata oje'oivy ipy'a guaxu reve, Egito pygua kuery ha'e javi oexaa gui,
4Egito pygua gua'y jypykue onhono porã teri okuapya ja, ha'e kuery mbyte rupi Senhor ojukapa rire. Ha'e kuery ruete ra'angaa re voi Senhor ombou imbopagaarã.
5Ha'e gui Ramessés tetã gui Israel kuery oje'oi vy ikuai ranhe Sucote py.
6Sucote gui oje'oi vy ma ikuai ranhe Etã py, tekoa e'ỹa apy'i py.
7Etã gui oje'oi vy ojeapa oje'oivy vy Pi-Hairote py ju ikuai, Baal-Zefom katy'i peve. Ha'e vy ikuai ju ranhe Migdol rexei'i.
8Ha'e gui Pi-Hairote gui oje'oi ju vy ye'ẽ oĩ va'e mbyte rupi oaxa oje'oivy tekoa e'ỹa katy oje'oi vy. Ha'e gui mboapy ára re tekoa e'ỹa Etã rupi oguata rire ma opyta ju ranhe Mara py.
9Mara gui oje'oi jevy vy ova okuapy Elim py. Ha'e gui Elim py ma doze ygua oĩ, setenta pindo avi ikuai. Ha'e py ju opyta ranhe.
10Elim gui oje'oi vy Ye'ẽ Pytã rembe'i rupi ju opyta.
11Ye'ẽ Pytã gui oje'oi vy Sim tekoa e'ỹa py ju opyta.
12Sim gui oje'oi vy Dofca py ju opyta.
13Dofca gui oje'oi vy ma Alus py ju opyta.
14Alus gui oje'oi vy ma Refidim py ju opyta, teĩ ha'e py ma nda'ipoi yy ha'e kuery oy'u aguã.
15Refidim gui oje'oi vy Sinai regua tekoa e'ỹa py ju opyta.
16Sinai regua tekoa e'ỹa gui oje'oi vy ma Quibrote-Hataavá py ju opyta.
17Quibrote-Hataavá gui oje'oi vy Hazerote py ju opyta.
18Hazerote gui oje'oi vy Ritma py ju opyta.
19Ritma gui oje'oi vy Rimom-Perez py ju opyta.
20Rimom-Perez gui oje'oi vy Libna py ju opyta.
21Libna gui oje'oi vy Rissa py ju opyta.
22Rissa gui oje'oi vy Queelata py ju opyta.
23Queelata gui oje'oi vy Sefer yvyty py ju opyta.
24Yvyty Sefer gui oje'oi vy Harada py ju opyta.
25Harada gui oje'oi vy Maquelote py ju opyta.
26Maquelote gui oje'oi vy Taate py ju opyta.
27Taate gui oje'oi vy Tera py ju opyta.
28Tera gui oje'oi vy Mitca py ju opyta.
29Mitca gui oje'oi vy Hasmona py ju opyta.
30Hasmona gui oje'oi vy Moserote py ju opyta.
31Moserote gui oje'oi vy Bene-Jaacã py ju opyta.
32Bene-Jaacã gui oje'oi vy Hor-Hagidgade py ju opyta.
33Hor-Hagidgade gui oje'oi vy Jotbatá py ju opyta.
34Jotbatá gui oje'oi vy Abrona py ju opyta.
35Abrona gui oje'oi vy Eziom-Geber py ju opyta.
36Eziom-Geber gui oje'oi vy Zim regua tekoa e'ỹa regua py ju opyta. Ha'e va'e ma Cades ae.
37Cades gui oje'oi vy ma Hor yvyty py ju opyta, Edom yvy apy'i py.
38Ha'e gui sacerdote Arão ma Senhor ijayvuague rami vy oẽ ovy Hor yvyty re. Ha'e py ae omano, quarenta ma'etỹ re ma Israel kuery Egito yvy gui oje'oipa rire, peteĩ nhiruĩ jaxya, ijypy'ia ára py.
39Arão ma cento e vinte e três ma'etỹ oguerekoa py omano Hor yvyty re.
40Ha'e gui cananeu Arade pygua huvixa oendu Israel kuery oupa ta maa. Ha'e va'e ma Canaã yvy regua kuaray puku-a katy oiko va'e.
41Ha'e gui Hor yvyty gui ha'e kuery oje'oi vy Zalmona py ju opyta.
42Zalmona gui oje'oi vy Punom py ju opyta.
43Punom gui oje'oi vy Obote py ju opyta.
44Obote gui oje'oi vy Ijé-Abarim py ju opyta, Moabe yvy apy'i py.
45Ijé-Abarim gui oje'oi vy Dibom-Gade py ju opyta.
46Dibom-Gade gui oje'oi vy Almom-Diblataim py ju opyta.
47Almom-Diblataim gui oje'oi vy yvyty Abarim py ju opyta, Nebo katy'i.
48Yvyty Abarim gui oje'oi vy opyta ju Moabe yvy ka'aguy e'ỹa rupi, Jordão yvýry, Jericó tetã rexei.
49Ha'e gui Jordão yakã yvýry opyta ranhe okuapy, Bete-Jesimote guive Abel-Sitim oĩa peve, Moabe yvy ka'aguy e'ỹa rupi.
Canaã yvy regua kuery Nhanderuete oipe'a ukapaague
50Ha'e gui Senhor aipoe'i Moisés pe, Moabe yvy ka'aguy e'ỹa rupi ha'e kuery ikuai jave, Jordão yakã yvýry, Jericó tetã rexei:
51— Ndeayvu ke Israel kuery pe. Ha'e vy aipo're: Jordão yakã peaxapa ma vy Canaã yvy katy peje'oi ma jave
52penerenonde katy gui peipe'apa 'rã ha'e va'e yvy regua kuery. Pembovaipa 'rã ita ta'angaa oĩa va'e ha'e javi, ta'angaarã mba'emo ryku gui ha'e kuery ojapo va'ekue voi. Peitypa 'rã yvy'ã rupi ombojerovia atyrã ojapo va'ekue.
53Ha'e va'e yvy pejopypa 'rã penemba'erã, ha'e py ae pendekuai aguã, mba'eta ha'e va'e yvy ae ame'ẽ pendeyvyrã.
54Xortea pexaa rami 'rã pemboja'o yvy, pendera'y kuery peteĩ-teĩ mbovy pa ikuaia rami vy. Hetave va'e regua pe ma tuvixave va'e 'rã peme'ẽ ijyvyrã, ha'e rã mboapy'ive va'e pe kyrĩve'i va'e 'rã peme'ẽ ijyvyrã. Xorte pexaa rami ae 'rã opyta peteĩ-teĩ peguarã. Penderu kuery guigua peteĩ-teĩ regua mbovy pa ikuaia rami 'rã pejopy pendeyvyrã.
55Ha'e rami avi penerenonde gui yvy regua kuery ndapeipe'apai ri ramo peẽ kuery mbyte py opyta va'ekue ma penderexa py juu haxy va'e rami 'rã ikuai, penderyepy rupi hakua va'e oĩa rami 'rã pendu. Ha'e rami vy penemoangekoarã rive 'rã opyta yvy pendekuaia re.
56Ha'e gui pendere ju ajapo 'rã ha'e kuery re ajapo aguã re anhembopy'aague.
