Jonas 2

— Ajexavai vy ajapukai Senhor pe.

Ha'e ramo xembovai.

Pytũ vaikue reia gui ajapukai ramo

ndee rendu xeayvua.

₃Mba'eta ndee ae xemombo uka ye'ẽ typya py,

ye'ẽ mbyte py.

Ha'e ramo yy oxyry atã vy xejoko.

Ndeguigua yai opu'ã-pu'ã vy oaxa tema xe'áry rupi.

₄Ha'e ramo xee aipoa'e:

“Xemombo ma rexaa gui mombyry.

Xapy'a rei nda'u aexa ju 'rã ri

ndevygua templo iky'a e'ỹ va'e?”

₅Yy xeao'i xerekovea peve,

yy typya ma xejoko.

Yxypo ikuai va'e onhemama xeakã rupi.

₆Yvy'ã guy py peve aguejy avy,

yvy peve ete aguejy.

Ha'e nunga raka'e rã peve xe'áry rupi xejokopa ta va'ekue.

Ha'e rami teĩ omanogue ikuaia gui ndee renoẽ ju xerekovea,

Senhor Xeruete.

₇Xeryepy py xenhe'ẽ oĩ va'e ikangy ramo

xema'endu'a Senhor re.

Ha'e vy ajerurea re aroma'endu'a ndea py,

Ndevygua templo iky'a e'ỹ va'e py ae.

₈Amongue mba'emo ra'angaa pe rive ojeko me'ẽ vy

ojepe'a imboaxyarã va'ekue gui.

₉Ha'e rã xee ma avy'aa amonhendu reve

ame'ẽ 'rã mba'emo ndevy,

ha'e ajapo 'rã va'ekue ajapopa nho 'rã — he'i.