Salmo 11

₁Xee ma Senhor re anhemi va'e.

Ha'e nunga rupi mba'exa tu xenhe'ẽ pe aipopeje:

“Ejava ke yvyty katy guyra'i rami.

₂Mba'eta heko vai va'e kuery omoxã ma guyrapa,

ixã re ma omoĩ ma hu'y oa'anga vy,

nhemia py heko porã va'e rovai opoi aguã.

₃Yvy ytarã omoĩ va'ekue omombaa ramo

mba'e tu heko porã va'e ojapo 'rã?”

₄Ha'e rã Senhor ma oĩ ojeupegua templo iky'a e'ỹ va'e py.

Yva re Senhor oĩ guenda openaaty py.

Oma'ẽ oiny avakue ojapo va'e re.

₅Senhor oikuaa pota 'rã heko porã ha'e heko vai va'e re.

Ojou vai 'rã jojukaa rupi anho ikuaixe vai va'e.

₆Heko vai va'e áry ombou 'rã tapyĩ rexakã enxofre revegua.

Ha'e kuery oy'u aguã ombou 'rã yvytu tata revegua.

₇Mba'eta Senhor ma heko porã va'e oiko vy

oayvu teko porã rupi ikuai va'e.

Ha'e ramo heko porã va'e oexa 'rã hova.