Jó 25
Nhanderuete renonde avave rei nonhemboeko porã kuaaia rami Bildade ijayvuague
1Ha'e ramo Sua pygua Bildade ombovai:
2— Ha'e rami avi Nhanderuete pegua anho oĩ opena ha'e ipo'aka aguã.
Ha'e ma ojapo yva yvatevea rupi voi ikuai porãa aguã rami.
3Guembiguai xondaro kuery ma ndajaipapapa kuaai 'rã.
Ixuguigua hexakãa ojope 'rã ha'e javi áry.
4Ha'e rami rã mba'exa tu avakue onhemboeko porã 'rã Nhanderuete renonde?
Mba'exa tu kunha gui itui'i va'ekue oiko 'rã iky'a e'ỹ va'e?
5Ma'ẽ, ha'e oexa rã jaxy eteve voi naendyi
ha'e jaxy-tata ikuai va'e iky'a e'ỹ va'e ndoikoi.
6Ha'e gui avakue katuve ma taxo rami rive 'rã yvyĩgueve'i.
Avakue ra'y kuery ma taxo ramigua meme ae ikuai — he'i.
© 2004, Sociedade Bíblica do Brasil; © 2014, Wycliffe Bible Translators, Inc.
